Xxxx
1 Ondoeza
"Bizitzak ez digu ematen"
Emakumeek eta disidentziek etxeko bizitza, enplegua eta partaidetza soziopolitikoa aldi berean ezin barneratzearen ondoezari aurre egin ohi diote, eta horrek lehenestera behartzen ditu, eta, sarritan, azken horri uko egitera. Tentsio hori larriagotu egiten da "militante heroikoaren" idealagatik, dedikazio osoa eskatzen baitu, bizitzaren beste esparru batzuk sakrifikatu gabe sostengatzen zaila dena.
GEHIAGO JAKIN NAHI DUT BIZITZAK EZ
DIT EMATEN” ESAERARI BURUZ!
1 Erresistentzia
Biopartaidetza!
“Ez dit bizitzak ematen” horrek sortzen duen itolarriaren aurrean, logika bizigarriagoetatik eta ez hain produktibistetatik birpentsatu behar dira gure espazio kolektiboak. Beraz, Territorio Doméstico-ko kideen biosindikalismoan inspiratuta, bizitza, poza eta zaintza ardatz dituen militantzia baterantz aurrera egitea proposatzen dugu, pertsonen benetako beharrak lehenetsiko dituena.
BIOPARTAIDETZARI BURUZ
GEHIAGO JAKIN NAHI DUT!
2 Ondoeza
Emakume ikusezina
Espazio parte hartzaileetan zereginak ez dira gustuen edo trebetasunen arabera bakarrik banatzen; aldiz, lanaren banaketa sexuala erreproduzitzen duten genero arauek markatzen dituzte. Horrela, gizonezkoek rol ikusgarriak eta baloratuak bereganatu ohi dituzte, eta emakumeek eta disidentziek, aldiz, ikusezin eta gutxi ezagututako zereginak, hala nola antolakuntza edo zaintza emozionala.
GEHIAGO JAKIN NAHI DUT
IKUSEZINTASUNARI BURUZ!
2 Erresistentzia
Emakume ikusezina!
Lanaren banaketa sexuala erreproduzitzen jarraitzea saihesteko, funtsezkoa da antolakuntza kultura ikuspegi inklusibo eta kontziente batetik birpentsatzea. Horrek esan nahi du identifikatu egin behar dela nork zer egiten duen taldearen barruan, ikusarazi egin behar direla zeregin guztiak (baita errutinazkoak eta emozionalak ere), eta parte hartze ekitatiboa sustatzen duten mekanismoak ezarri behar direla.
ZAINTZAK ERDIGUNERA GAIARI
BURUZ GEHIAGO JAKIN NAHI DUT!
3 Ondoeza
Iruzurtiak
Debeku formalik ez dagoen arren, emakumeek eta disidentziek espazio publikoan gutxietsita eta isilduta jarraitzen dute, eta horrek haien ahotsek gutxiago balio izatearen ideia indartzen du. Bazterketa sinboliko horrek bereziki zirrara eragiten die dagoeneko zapalkuntza ugariri aurre egiten diotenei, iruzurtiaren sindromea eta kide ez izatearen sentsazioa elikatuz.
IRUZURGILEAREN SINDROMEAZ
GEHIAGO JAKIN NAHI DUT!
3 Erresistentzia
Botereak!
Emakumeak beti egon dira presente eta arlo guztietan egin dituzte ekarpenak, horregatik da funtsezkoa haien jakintzak eta ibilbideak ikusaraztea. Eta ez hori bakarrik, beharrezkoa da beste identitate eta esperientzia batzuetara begirada zabaltzea. Horrek aberastu egiten gaitu, eta gure pribilegioak zalantzan jartzen eta espazio bidezkoagoak eta ekitatiboagoak eraikitzen laguntzen digu.
BOTEREARI BURUZ
GEHIAGO JAKIN NAHI DUT!
4 Ondoeza
Gorputza gara
Pertsona guztiok gorputza dugun arren, gorputz guztiak ez dira berdin aitortuak eta tratatuak: emakumeenak eta disidentzienak publikotik erregulatzen dira, eta haien zaurgarritasunak markatzen ditu, eta horrek espazio sozial eta politikoetan duten presentzia baldintzatu egiten du. Desberdintasun hori are larriagoa da botere harremanek gehien zeharkatzen dituzten gorputzetan, baztertuak eta arautik kanpo kontsideratuak izaten baitira.
GORPUTZA GARELA DIOEN HORRETAZ
GEHIAGO JAKIN NAHI DUTT!
4 Erresistentziak
Anormalak gara!
Sistema kapitalista, patriarkal eta kolonialaren ondorioz baztertuak eta zaurgarrituak diren gorputzek espazio publiko atseginagoak eta eskuragarriagoak merezi dituzte. Horiek guztiak entzunak, baloratuak eta ospatuak izango diren guneak. Horretarako, funtsezkoa da gure gorputz esperientziak politizatzea, alaitasunetik eta kolektibitatetik aktibismoa praktikatzea eta sormena erabiltzea pertsona guztientzako ingurune bizigarriagoak eraikitzeko.
GEHIAGO JAKIN NAHI DUT ANORMALAK
BAGINA BEZALA GURE BURUAK OSPATZEAZ
5 Ondoeza
Begiradaren xede
Emakumeen eta disidentzien gorputzek tentsio etengabea jasaten dute zentsuraren eta gehiegizko esposizioaren artean: askatasunez irudikatzea mugatzen zaie, botere menderatzailearen begirada arautzaile eta desiratzailearen pean hiperordezkatuak diren bitartean. Kontraesan horrek autozentsura, gorputz zaintza eta bazterketa sortzen ditu, batez ere, ez-desiragarri edo baztergarri gisa markatuta dauden gorputzentzat, sinbolikoki eta materialki kanporatzen baitira.
GEHIAGO JAKIN NAHI DUT BEGIRADAREN
OBJEKTU IZATEARI BURUZ!
5 Erresistentziak
Elkar babestea!
Zein gorputz diren desiragarriak eta zein doilorrak definitzen dituen begirada hegemonikoaren aurrean, desira deskolonizatu eta gure ikusteko modua politizatu beharra dago, edertasun normatiboa pribilegioen emaitza dela onartuz.
Horrek arrazakeria, kapazitismoa edo gordofobia bezalako indarkeriak zalantzan jartzea dakar, eta gorputz guztiak ongi etorriak, ospatuak eta mundua eraldatzeko gai izango diren espazioak kolektiboki eraikitzea.
GEHIAGO JAKIN NAHI DUT GORPUZTEKO
ETA GURE BURUA GORPUZTEKO MODUEI BURUZ!!
6 ondoeza
Indarkeria digitala
Parte hartze digitalak espazio publiko analogikoaren desberdintasun eta indarkeria berberak islatzen ditu, generoak sormen teknologikoan duen joeragatik eta sarbide eta erabilera arrakalagatik larriagotuak. Emakumeek, disidentziek eta baztertutako beste gorputz batzuek online gertatzen den indarkeria matxistari aurre egin behar diote, eta horrek eragin zuzena du haien ongizatean eta presentzian, baita mundu fisikoan ere.
INDARKERIA DIGITALEI
BURUZ GEHIAGO JAKIN NAHI DUT!
Mundu birtuala etsaitasunezkoa izan daiteke, bereziki komunitate erreakzionarioen hedapenagatik.
Hala ere, eraldaketarako eta topaketarako gune bat ere bada, eta horregatik, ezinbestekoa da gure parte hartzea eskatzea, autodefentsa digital feminista bezalako tresnen bidez gure buruak zainduz eta webgune seguruago eta inklusiboago baten alde lan egiten duten kolektiboetan oinarrituz.
AUTODEFENTSA DIGITAL FEMINISTAZ
GEHIAGO JAKIN NAHI DUT!
6 Erresistentziak
Autodefentza digitala!
Deskargatu gida osoa hemen!
Gaztelaniaz eta euskaraz
Ezinegonak eraldatzea Aradia Cooperativaren 2024-2025eko proiektua da.
Ilustratzailea: @Rosi.Agua
Bizkaiko Foru Aldundiko irabazi-asmorik gabeko erakundeei emakumeen
eta gizonen berdintasuna sustatzeko proiektuetarako dirulaguntzak
Itzuli gora!